வழி இல்லாத பாதையில் ஒரு வழி

மோசே இஸ்ரவேலர்களுக்கு வாக்களிக்கப்பட்ட தேசத்திற்கு அவர்களை வழிநடத்தினார். கர்த்தர் அவர்களை நெபோ மலைக்கு அழைத்துச் சென்றார். அங்கே, கர்த்தர் தாம் வாக்கு பண்ணிய தேசத்தை வெளிப்படுத்தி, ஆபிரகாம், ஈசாக்கு, யாக்கோபு ஆகியோருக்குக் கொடுத்த வாக்கை மோசேக்கு நினைவுபடுத்தினார். மோசே தனது கண்களால் அந்த தேசத்தைப் பார்த்த போதிலும், அவர் அதில் நுழைவதற்கு நியமிக்கப்படவில்லை. மோசேயின் மறைவைத் தொடர்ந்து, வாக்களிக்கப்பட்ட தேசத்திற்கு இஸ்ரவேலர்களை வழிநடத்த யோசுவா புதிய தலைவராக நியமிக்கப்பட்டார்.

இஸ்ரவேலர்களை வழிநடத்துவதற்கு தேவன் யோசுவாவை ஆசீர்வதித்தார்.

நீ உயிரோடிருக்கும் நாளெல்லாம் ஒருவனும் உனக்கு முன்பாக எதிர்த்து நிற்பதில்லை; நான் மோசேயோடே இருந்ததுபோல, உன்னோடும் இருப்பேன்; நான் உன்னைவிட்டு விலகுவதுமில்லை, உன்னைக் கைவிடுவதுமில்லை. பலங்கொண்டு திடமனதாயிரு; இந்த ஜனத்தின் பிதாக்களுக்கு நான் கொடுப்பேன் என்று ஆணையிட்ட தேசத்தை நீ இவர்களுக்குப் பங்கிடுவாய். என் தாசனாகிய மோசே உனக்குக் கற்பித்த நியாயப்பிரமாணத்தின்படியெல்லாம் செய்யக் கவனமாயிருக்கமாத்திரம் மிகவும் பலங்கொண்டு திடமனதாயிரு; நீ போகும் இடமெல்லாம் புத்திமானாய் நடந்துகொள்ளும்படிக்கு, அதை விட்டு வலது இடதுபுறம் விலகாதிருப்பாயாக. இந்த நியாயப்பிரமாண புஸ்தகம் உன் வாயைவிட்டுப் பிரியாதிருப்பதாக; இதில் எழுதியிருக்கிறவைகளின்படியெல்லாம் நீ செய்யக் கவனமாயிருக்கும்படி, இரவும் பகலும் அதைத் தியானித்துக்கொண்டிருப்பாயாக; அப்பொழுது நீ உன் வழியை வாய்க்கப்பண்ணுவாய், அப்பொழுது புத்திமானாயும் நடந்துகொள்ளுவாய். நான் உனக்குக் கட்டளையிடவில்லையா? பலங்கொண்டு திடமனதாயிரு; திகையாதே, கலங்காதே, நீ போகும் இடமெல்லாம் உன் தேவனாகிய கர்த்தர் உன்னோடே இருக்கிறார் என்றார். யோசுவா 1:5-9

எரிகோவை அணுகவும், வாக்குப்பண்ணப்பட்ட தேசத்திற்குள் நுழையவும், இஸ்ரவேலர்கள் யோர்தான் நதியைக் கடக்கும் பெரும் சவாலை எதிர்கொண்டனர், இது ஒரு குறிப்பிடத்தக்க தடையாக இருந்தது. அபரிமிதமான அறுவடைக் காலத்தின் காரணமாக ஆறு பெருக்கெடுத்து நிரம்பி வழிந்தது.

இஸ்ரவேலர்கள் ஆழ்ந்த இக்கட்டான நிலையில் தங்களைக் கண்டனர்: ஒருபுறம், வாக்குப்பண்ணப்பட்ட தேசத்திற்குள் நுழையப் பண்ண செய்வதாக தேவன் அவர்களுக்கு வாக்குறுதி அளித்திருந்தார். மறுபுறம், அவர்கள் ஒரு கொந்தளிப்பான நதியை எதிர்கொண்டனர். இந்தக் காலத்தில் யோசுவாவும் இஸ்ரவேலர்களும் மேற்கொண்ட செயல்கள், பல ஆவிக்குரிய படிப்பினைகளை, சேகரிப்பதற்கு நமக்குக் கொடுக்கின்றன.

செயல்களில் யோசுவாவின் தலைமைப்பண்பு

மோசே செய்தது போலவே யோசுவா அவர்களை வழிநடத்தினார். அவர் ஜனங்களுக்கும் ஆசாரியர்களுக்கும் கட்டளைகள் கொடுத்தார்.

ஜனங்களுக்கான உத்தரவு

• உடன்படிக்கைப் பெட்டியைப் பின்தொடருமாறு யோசுவா ஜனங்களுக்கு கட்டளையிடுகிறார். “ஜனங்களை நோக்கி: நீங்கள் உங்கள் தேவனாகிய கர்த்தருடைய உடன்படிக்கைப் பெட்டியையும் அதைச் சுமக்கிற லேவியராகிய ஆசாரியர்களையும் கண்டவுடனே, நீங்களும் உங்கள் இடத்தைவிட்டுப் பிரயாணப்பட்டு, அதற்குப் பின்செல்லுங்கள்”. யோசுவா 3:3

• உடன்படிக்கைப் பெட்டி - உடன்படிக்கைப் பெட்டி இஸ்ரவேலர்களுக்கு புனிதமான, முக்கியத்துவம் மிகுந்த ஒரு கலைப்பொருளாக இருந்தது. அது தங்கத்தால் மூடப்பட்ட மரப்பெட்டியாக இருந்தது. அதில் பத்துக் கட்டளைகள் கொண்ட கற்பலகைகள், மன்னாவைக் கொண்ட பாத்திரம், மற்றும் ஆரோனின் கோல் ஆகியவை இருந்தன. இது தேவனின் பிரசன்னத்தை பிரதிபலிக்கிறது. மேலும் இஸ்ரவேலர்களுடன் அவர் செய்த உடன்படிக்கையின் அடையாளமாக செயல்பட்டது.

• நீங்கள் பின்செல்லும் போது - 2000 முழம் (18 முதல் 24 அங்குலம்) தூரம் இருக்கும்படி பார்த்துக் கொள்ள வேண்டும். "உங்களுக்கும் அதற்கும் இடையிலே இரண்டாயிரம் முழத் தூரமான இடம் இருக்கவேண்டும்; நீங்கள் நடக்கவேண்டிய வழியை அறியும்படிக்கு, அதற்குச் சமீபமாய் வராதிருப்பீர்களாக; இதற்கு முன்னே நீங்கள் ஒருபோதும் இந்த வழியாய் நடந்துபோகவில்லை என்று சொல்லி கட்டளையிட்டார்கள்". யோசுவா 3:4

• உங்களைப் பரிசுத்தம் பண்ணிக்கொள்ளுங்கள் – அற்புதமான காரியங்களைச் செய்யும் கர்த்தருக்கு முன்பாக உங்களைப் பரிசுத்தமாகவும் சுத்தமாகவும் ஆக்கிக் கொள்ளுங்கள். "யோசுவா ஜனங்களை நோக்கி: உங்களைப் பரிசுத்தம்பண்ணிக்கொள்ளுங்கள்; நாளைக்குக் கர்த்தர் உங்கள் நடுவிலே அற்புதங்களைச் செய்வார் என்றான்". யோசுவா 3:5

ஆசாரியர்களுக்கான உத்தரவு

• உடன்படிக்கைப் பெட்டியை எடுத்துக் கொள்ளுங்கள் - லேவியர்கள் மட்டுமே உடன்படிக்கைப் பெட்டியை எடுத்துச் செல்ல அனுமதிக்கப்பட்டனர், ஏனெனில் அவர்கள் மோசேவால் ஆசாரியர்களாக நியமிக்கப்பட்டவர்கள்.

“பின்பு யோசுவா ஆசாரியர்களை நோக்கி: நீங்கள் உடன்படிக்கைப் பெட்டியை எடுத்துக்கொண்டு, ஜனங்களுக்கு முன்னே நடந்துபோங்கள் என்றான்; அப்படியே உடன்படிக்கைப் பெட்டியை எடுத்துக்கொண்டு ஜனங்களுக்கு முன்னே போனார்கள்”. யோசுவா 3:6

• ஜனங்களுக்கு முன்னே நடந்துபோங்கள்.

• அவர்கள் அதை எடுத்துக் கொண்டு, முன்னால் இருந்து வழிநடத்தும்படிக்கு ஜனங்களுக்கு முன் சென்றார்கள்.

தேவனின் பதில்

கர்த்தர் யோசுவாவை நோக்கி: நான் மோசேயோடே இருந்ததுபோல, உன்னோடும் இருக்கிறேன் என்பதை இஸ்ரவேலரெல்லாரும் அறியும்படிக்கு, இன்று அவர்கள் கண்களுக்குமுன்பாக உன்னை மேன்மைப்படுத்துவேன். உடன்படிக்கைப் பெட்டியைச் சுமக்கிற ஆசாரியரைப் பார்த்து: நீங்கள் யோர்தான் தண்ணீர் ஓரத்தில் சேரும்போது, யோர்தானில் நில்லுங்கள் என்று நீ கட்டளையிடுவாயாக என்றார். யோசுவா இஸ்ரவேல் புத்திரரை நோக்கி: நீங்கள் இங்கே சேர்ந்து, உங்கள் தேவனாகிய கர்த்தருடைய வார்த்தைகளைக் கேளுங்கள் என்றான். பின்பு யோசுவா: ஜீவனுள்ள தேவன் உங்கள் நடுவே இருக்கிறார் என்பதையும், அவர் கானானியரையும் ஏத்தியரையும். ஏவியரையும், பெரிசியரையும், கிர்காசியரையும், எமோரியரையும், எபூசியரையும் உங்களுக்கு முன்பாகத் துரத்திவிடுவார் என்பதையும், நீங்கள் அறிந்துகொள்வதற்கு அடையாளமாக: இதோ, சர்வ பூமிக்கும் ஆண்டவராயிருக்கிறவருடைய உடன்படிக்கைப் பெட்டி உங்களுக்கு முன்னே யோர்தானிலே போகிறது. இப்பொழுதும் இஸ்ரவேல் கோத்திரங்களிலே பன்னிரண்டுபேரை, ஒவ்வொரு கோத்திரத்துக்கு ஒவ்வொருவராகப் பிரித்தெடுங்கள். சம்பவிப்பது என்னவென்றால், சர்வபூமிக்கும் ஆண்டவராகிய கர்த்தரின் பெட்டியைச் சுமக்கிற ஆசாரியர்களின் உள்ளங்கால்கள் யோர்தானின் தண்ணீரிலே பட்டமாத்திரத்தில், மேலேயிருந்து ஓடிவருகிற யோர்தானின் தண்ணீர் ஓடாமல் ஒரு குவியலாக நிற்கும் என்றான். யோசுவா 3:7-13

• அவர்களை முன்னிருந்து வழிநடத்துவதற்கு, அவர்கள் தேவனை முதலாவதாக வைத்தபோது, தேவன் யோசுவாவிடம், “நான் மோசேயோடே இருந்ததுபோல, உன்னோடும் இருக்கிறேன் என்பதை இஸ்ரவேலரெல்லாரும் அறியும்படிக்கு, இன்று அவர்கள் கண்களுக்கு முன்பாக உன்னை மேன்மைப்படுத்துவேன்" என்று கூறினார். யோசுவா தன் கண்களால் தேவனுடைய மகிமையைக் காண்பார் என்று தேவன் அவருக்கு உறுதியளித்தார்.

• நதியைக் கடப்பது எப்படி என்ற ஆசாரியர்களுக்கான கட்டளை - உடன்படிக்கைப் பெட்டியைச் சுமந்து செல்லும் ஆசாரியர்களிடம் : ‘நீங்கள் யோர்தான் தண்ணீர் ஓரத்தில் சேரும்போது, யோர்தானில் நில்லுங்கள்” என்று கூறினார்.

• தேவன் முன்னின்று நடத்துவார் – “இதோ, சர்வ பூமிக்கும் ஆண்டவராயிருக்கிறவருடைய உடன்படிக்கைப் பெட்டி உங்களுக்கு முன்னே யோர்தானிலே போகிறது”.

• தேவனின் அற்புதம் வெளிப்படும் – “சர்வபூமிக்கும் ஆண்டவராகிய கர்த்தரின் பெட்டியைச் சுமக்கிற ஆசாரியர்களின் உள்ளங்கால்கள் யோர்தானின் தண்ணீரிலே பட்டமாத்திரத்தில், மேலேயிருந்து ஓடிவருகிற யோர்தானின் தண்ணீர் ஓடாமல் ஒரு குவியலாக நிற்கும்”.

அற்புதத்தின் விளக்கம்

யோர்தான் அறுப்புக்காலம் முழுவதும் கரைபுரண்டுபோகும். பெட்டியைச் சுமக்கிற ஆசாரியர்களின் கால்கள் தண்ணீரின் ஓரத்தில் பட்டவுடனே, மேலேயிருந்து ஓடிவருகிற தண்ணீர் நின்று சார்தானுக்கடுத்த ஆதாம் ஊர்வரைக்கும் ஒரு குவியலாகக் குவிந்தது; உப்புக்கடல் என்னும் சமனான வெளியின் கடலுக்கு ஓடிவருகிற தண்ணீர் பிரிந்து ஓடிற்று; அப்பொழுது ஜனங்கள் எரிகோவுக்கு எதிரே கடந்துபோனார்கள், சகல ஜனங்களும் யோர்தானைக் கடந்து தீருமளவும், கர்த்தருடைய உடன்படிக்கைப் பெட்டியைச் சுமக்கிற ஆசாரியர்கள் யோர்தானின் நடுவிலே தண்ணீரில்லாத தரையில் காலூன்றி நிற்கும்போது, இஸ்ரவேலரெல்லாரும் தண்ணீரற்ற உலர்ந்த தரைவழியாய்க் கடந்துபோனார்கள். யோசுவா 3:15-17

• ஆசாரியர்கள் யோர்தான் ஆற்றின் கரையைத் தொட்டவுடன் மேலேயிருந்து ஓடிவருகிற தண்ணீர் நின்று போனது.

• "பெட்டியைச் சுமக்கிற ஆசாரியர்களின் கால்கள் தண்ணீரின் ஓரத்தில் பட்டவுடனே, மேலேயிருந்து ஓடிவருகிற தண்ணீர் நின்று சார்தானுக்கடுத்த ஆதாம் ஊர்வரைக்கும் ஒரு குவியலாகக் குவிந்தது".

• அவர்கள் செங்கடலைக் கடக்கும்போது தேவன் செய்தது போலவே, அவர்களுக்கு முன்னால் ஒரு கண்ணுக்குத் தெரியாத சுவர் கட்டப்பட்டு இருந்தது. “மேலேயிருந்து ஓடிவருகிற தண்ணீர் நின்று சார்தானுக்கடுத்த ஆதாம் ஊர்வரைக்கும் ஒரு குவியலாகக் குவிந்தது; உப்புக்கடல் என்னும் சமனான வெளியின் கடலுக்கு ஓடிவருகிற தண்ணீர் பிரிந்து ஓடிற்று”.

• யோர்தான் ஆற்றின் நடுவில் தண்ணீரற்ற உலர்ந்த தரை – “சகல ஜனங்களும் யோர்தானைக் கடந்து தீருமளவும், கர்த்தருடைய உடன்படிக்கைப் பெட்டியைச் சுமக்கிற ஆசாரியர்கள் யோர்தானின் நடுவிலே தண்ணீரில்லாத தரையில் காலூன்றி நிற்கும்போது,இஸ்ரவேலரெல்லாரும் தண்ணீரற்ற உலர்ந்த தரைவழியாய்க் கடந்துபோனார்கள்”.

• அவர்கள் ஆற்றைக் கடந்த பிறகு அது இயல்பு நிலைக்குத் திரும்பியது -

• "அப்பொழுது கர்த்தருடைய உடன்படிக்கைப் பெட்டியைச் சுமக்கிற ஆசாரியர் யோர்தான் நடுவிலிருந்து ஏறி, அவர்கள் உள்ளங்கால்கள் கரையில் ஊன்றினபோது, யோர்தானின் தண்ணீர்கள் தங்களிடத்துக்குத் திரும்பி, முன்போல அதின் கரையெங்கும் புரண்டது". யோசுவா 4:18

• தேவனுடைய மகிமை வெளிப்பட்டது - "பூமியின் சகல ஜனங்களும் கர்த்தருடைய கரம் பலத்ததென்று அறியும்படிக்கும், நீங்கள் சகல நாளும் உங்கள் தேவனாகிய கர்த்தருக்குப் பயப்படும்படிக்கும், உங்கள் தேவனாகிய கர்த்தர் சிவந்த சமுத்திரத்தின் தண்ணீரை நாங்கள் கடந்து தீருமட்டும் எங்களுக்கு முன்பாக வற்றிப்போகப்பண்ணினதுபோல, உங்கள் தேவனாகிய கர்த்தர் யோர்தானின் தண்ணீருக்கும் செய்து, அதை உங்களுக்கு முன்பாக நீங்கள் கடந்து தீருமளவும் வற்றிப்போகப்பண்ணினார் என்று அறிவிக்கக்கடவீர்கள் என்றான்". யோசுவா 4:23-24

• எதிரிகளின் கூடாரத்தில் பயத்தை ஏற்படுத்தியது - "இஸ்ரவேல் புத்திரர் கடந்து தீருமளவும், கர்த்தர் யோர்தானின் தண்ணீரை அவர்களுக்கு முன்பாக வற்றிப்போகப்பண்ணினதை, யோர்தானுக்கு மேல்கரையில் குடியிருந்த எமோரியரின் சகல ராஜாக்களும், சமுத்திரத்தருகே குடியிருந்த கானானியரின் சகல ராஜாக்களும் கேட்டதுமுதற்கொண்டு, அவர்கள் இருதயம் கரைந்து, இஸ்ரவேல் புத்திரருக்கு முன்பாக சோர்ந்துபோனார்கள்". யோசுவா 5:1

நாம் கற்றுக்கொள்ள வேண்டிய பாடங்கள்

பார்ப்பதற்கு இது ஒரு கதை போலத் தோன்றினாலும், இங்கே கற்றுக்கொள்ள வேண்டிய பாடங்கள் உள்ளன.

• இஸ்ரவேலர்களைப் போலவே, நமது அன்றாட வாழ்வில் தேவனின் வாக்குத்தத்தங்களையும், "யோர்தான் நதிகள்” போன்ற ஏராளமான தடைகளையும் சந்திக்கிறோம். இந்தத் தடைகளைத் தாண்டிச் செல்லும்போது நம்மை நம்புவதா அல்லது தேவனை விசுவாசிப்பதா என்பதுதான் நாம் எதிர்கொள்ளும் சவால். இது, ஒவ்வொரு நாளும் தேவனை உண்மையாகப் பின்பற்ற முயற்சி செய்யும் போது நடக்கும் ஒரு நிலையான போர்.

• யோசுவா தேவன் மீதும் அவருடைய வாக்குறுதி மீதும் விசுவாசம் வைத்தது போல், நம் கண்களால் பார்க்க முடியாவிட்டாலும், நாமும் தேவன் மீதும் அவருடைய வாக்குறுதிகள் மீதும் விசுவாசம் வைக்க வேண்டும்.

• “பலங்கொண்டு திடமனதாயிரு; திகையாதே, கலங்காதே, நீ போகும் இடமெல்லாம் உன் தேவனாகிய கர்த்தர் உன்னோடே இருக்கிறார்” என்ற இந்த வாக்குத்தத்தத்தின் மூலம் யோசுவா தேவனை விசுவாசித்தார். யோசுவாவை வழிநடத்திய அதே தேவன், நமக்கும் அதே வாக்குறுதியை அளிக்கிறார்.

• யோசுவா ஜனங்களுக்கும் ஆசாரியர்களுக்கும் கட்டளைகளை வழங்கினார், அவர்கள் கீழ்ப்படிதலுடன் அவருடைய கட்டளைகளைப் பின்பற்றினார்கள். அதேபோல், நம் வாழ்வில் "யோர்தான் நதிகள்" போன்று தடைகளை நாம் சந்திக்கும்போது சில விஷயங்களைக் கடைப்பிடிக்கும்படி தேவன் நம்மைக் கேட்கிறார். இருப்பினும், பல சமயங்களில் நாம் அவருடைய அறிவுரைகளைக் கவனிக்கத் தவறுகிறோம்.

• ஜனங்கள் தங்கள் உள்ளங்களைத் தூய்மைப்படுத்துவதன் முக்கியத்துவத்தையும், தேவனுக்கு முதலிடம் கொடுப்பதையும் வலியுறுத்தி ஜனங்கள் தங்களை பரிசுத்தப்படுத்திக் கொள்ளும்படி ஊக்குவித்தார். அவ்வாறு செய்வதன் மூலம், அவர்கள் தேவனின் அற்புதமான செயல்களைக் காண்பார்கள். நாம் நம்மைச் சுத்திகரித்து, அவருக்கு முன்னுரிமை அளிக்கும்போது தேவன் அவருடைய மகிமையை வெளிப்படுத்துகிறார். நமது செயல்கள் அனைத்தும் இறுதியில் தேவனின் மகிமையை வெளிப்படுத்த வழிவகுக்க வேண்டும்.

• யோசுவா உடன்படிக்கைப் பெட்டிக்கு முன்னுரிமை அளித்து, தேவனின் கட்டளைகளை உண்மையாகப் பின்பற்றினார். அதேபோன்று, நமது சொந்த வாழ்வில், சவால்களை எதிர்கொள்ளும்போது, ​​நம் சுயநல ஆசைகளை ஒதுக்கி வைத்துவிட்டு, யோர்தான் நதிகளில் செல்ல தேவனின் வழிகாட்டுதலை நாட வேண்டும். பெரும்பாலும், நமது ஈகோ, நமது சொந்த புரிதலின் மீது நம்பிக்கை வைக்க தூண்டி, நாம் கெட்டுப் போவதற்கு வழிநடத்தி, நமது தோல்விகளுக்கு தேவனைக் குற்றம் சாட்டும்படி செய்கிறது.

• உடன்படிக்கைப் பெட்டியைச் சுமந்து சென்ற ஆசாரியர்களைப் போலவே, நாமும் விசுவாசத்தின் ஒரு சிறிய அடியை எடுத்து வைக்க வேண்டும். நாம் அப்படி செய்யும்போது, தேவன் அற்புதங்களைச் செய்வார் என்றும், வழி இல்லாத இடத்தில் வழியை உருவாக்குவார் என்றும் விசுவாசிக்கலாம்.

• யோர்தானைக் கடந்தவுடன், இஸ்ரவேலர்கள் தேவனின் மகிமை மற்றும் உண்மைக்கு சான்றாக பன்னிரண்டு கற்களை எழுப்புவதற்குக் கீழ்ப்படிதலுடன் தேவனின் கட்டளைகளைப் பின்பற்றினர்.

• “பூமியின் சகல ஜனங்களும் கர்த்தருடைய கரம் பலத்ததென்று அறியும்படிக்கும், நீங்கள் சகல நாளும் உங்கள் தேவனாகிய கர்த்தருக்குப் பயப்படும்படிக்கும், உங்கள் தேவனாகிய கர்த்தர் சிவந்த சமுத்திரத்தின் தண்ணீரை நாங்கள் கடந்து தீருமட்டும் எங்களுக்கு முன்பாக வற்றிப்போகப்பண்ணினதுபோல, உங்கள் தேவனாகிய கர்த்தர் யோர்தானின் தண்ணீருக்கும் செய்து, அதை உங்களுக்கு முன்பாக நீங்கள் கடந்து தீருமளவும் வற்றிப்போகப்பண்ணினார் என்று அறிவிக்கக்கடவீர்கள் என்றான்”. யோசுவா 4:23-24

• நம் வாழ்வில் உள்ள சவால்கள் மற்றும் தடைகளை வெற்றிகரமாக கடந்து சென்ற பிறகு, நாம் அடிக்கடி தேவனின் செயல்களை ஒப்புக்கொள்ள மறந்துவிட்டு, எல்லா துதியையும் கனத்தையும் தவறாக நமக்கே எடுத்துக் கொள்கிறோம். யோசுவா 4:23-24 - இல் யோசுவா செய்ததில் இருந்து நாம் கற்றுக்கொள்ள வேண்டும்.

• இஸ்ரவேலரின் எதிரிகள் பயத்தால் நிறைந்தது போல, கடினமான சூழ்நிலைகளில் தேவன் உங்களை வழிநடத்தும்போது உங்கள் எதிரிகள் பயத்தால் நடுங்குவார்கள். உங்கள் தடைகள் அல்லது பிரச்சனைகளின் அளவைப் பற்றி கவலைப்பட வேண்டாம், ஏனென்றால் தேவன் பெரிய காரியங்களைச் செய்ய வல்லவர்.