கவனச்சிதறல்

கேட்ஜெட்டுகள் (மொபைல் ஃபோன்கள் / டேப்கள் / கணினிகள் / ஸ்மார்ட் டிவி போன்றவை) நிறைந்த உலகில் நாம் வாழ்ந்து கொண்டு இருக்கிறோம். இந்த கேட்ஜெட்டுகள், சமூக ஊடக தளங்கள் மற்றும் எல்லா டிவி சேனல்களும் நம் கவனத்தை ஈர்ப்பதற்கு போட்டி போட்டுக் கொண்டு, ஒவ்வொரு நாளும் நாம் செய்ய திட்டமிட்டிருக்கின்ற நேரத்தை நம்மிடம் இருந்து எடுத்துக் கொள்கின்றன. நாம் அன்றாட வாழ்க்கையில் பல செயல்களுக்கு திட்டமிட்டு இந்த கவனச்சிதறல்களினால் தோல்வியடைகிறோம்.

நம் அனைவருக்கும் உள்ள ஒரு கெட்ட பழக்கம் போனை எடுப்பது / அன்லாக் செய்வது / நோட்டிபிகேஷனை சரிபார்த்து பின் போனை மூடி வைப்பது. நம்மில் பலர் இதனை பல முறை செய்கிறோம். அதைபோல் வாட்ஸ்அப் / இன்ஸ்டாகிராம் அல்லது ட்விட்டரில் இருந்து ஒரு அறிவிப்பு ஒலி வந்தால் போதும் உடனே போனைப் பார்க்கிறோம். இது போன்ற செயல் மூலம் நாம் செய்கின்ற வேலையில் கவனச்சிதறல்கள் உண்டாகும். பலருக்கு இது கடுமையான பாதிப்பை உண்டாக்கி கவனத்தை திசைதிருப்பும். ஒரு மருத்துவரிடம் இதற்கு பதில் கேட்டால் "டிஜிட்டல் டிடாக்ஸ் சிகிச்சையை" பரிந்துரைப்பார்கள்.

நம்முடைய ஆவிக்குரிய வாழ்க்கையில் சாத்தான் நம்மை திசை திருப்புவதில் ஆர்வமாக இருக்கிறான். அதனால் இயேசுவுடனான நமது ஆவிக்குரிய ஐக்கியம் நம்மிடம் இருக்க வேண்டிய அளவிற்கு இல்லாமல், மெதுவாக பலவீனமடைந்து உலக விஷயங்களுக்கு விலகிச் செல்கிறது. இதில் ‘DISTRACTION ~ கவனச்சிதறல்’ என்ற சக்திவாய்ந்த கருவியைப் பயன்படுத்துகிறான். முந்தைய காலங்களை விட இன்றைய காலத்தில் கவனச்சிதறல் அதிகமாக வருகிறது, கவனம் செலுத்தி ஜெபிக்கும் நேரம் / பைபிளை படிக்கும் நேரம் குறைவாக உள்ளது. சில நேரங்களில்கவனச்சிதறலினால் நாம் நம்முடைய சுய சித்தத்தின் படி பல முடிவுகளை எடுக்கிறோம் (அது தேவனுடைய சித்தமாக இல்லாமல் இருக்கலாம்). அதை போல ஜெபத்தில் காத்து இருக்கும் நேரத்தை விட மொபைல்களில் அதிக நேரத்தை செலவிடுகிறோம்.

கவனச்சிதறல்கள் சாத்தானிடமிருந்து வெவ்வேறு வடிவங்களில் வரலாம். அவன் நம் அன்றாட வாழ்க்கையின் செயல்பாட்டை எடுத்து கொண்டு அதை ஒரு சாக்காகப் பயன்படுத்தி / பொய் சொல்லி நம்மை திசை திருப்புகிறான். நீங்கள் வேலை செய்யும் பொழுது, உங்கள் ஜெப நேரத்தைகுறைப்பதற்கு உங்கள் வேலையில் அதிக அழுத்தம் கொடுப்பான், இதன் மூலம் உங்கள் ஜெப நேரம் கம்மியாகும், நாளடைவில் உங்களுடைய ஆவிக்குரிய வாழ்கை பூஜ்ஜியமாகி விடும். சாத்தான் ஏமாற்றுவதிலும் கவனத்தை திசை திருப்புவதிலும் தலைவன். நம்முடைய மனித திறன்களால் இதை ஒருபோதும் வெல்ல முடியாது, ஆனால் தேவனுடைய வல்லமையினால் நாம் சாத்தனை எதிர்கொள்ள முடியும்.

பல சமயங்களில் நாம் ஜெபிக்க நினைக்கும் சில விஷயங்களை ஜெபிக்க மறந்துவிடுகிறோம். கிறிஸ்துவுடன் நெருங்கிய ஆவிக்குரிய உறவில் இருக்கும்போது கவனச்சிதறல் என்பது பாவத்தின் ஒரு வடிவமாகும்.

நம்மைப் போலவே, கெத்செமனே தோட்டத்தில் சீடர்களுக்கு ஏற்பட்ட கவனச்சிதறல் சம்பவத்தைப் பார்க்கலாம்.

'அப்பொழுது, இயேசு அவர்களோடே கெத்செமனே என்னப்பட்ட இடத்திற்கு வந்து, சீஷர்களை நோக்கி: நான் அங்கே போய்ஜெபம்பண்ணுமளவும் நீங்கள் இங்கே உட்கார்ந்திருங்கள் என்று சொல்லி; பேதுருவையும் செபெதேயுவின் குமாரர் இருவரையும்கூட்டிக்கொண்டுபோய், துக்கமடையவும் வியாகுலப்படவும் தொடங்கினார். அப்பொழுது, அவர்: என் ஆத்துமா மரணத்துக்கேதுவானதுக்கங்கொண்டிருக்கிறது; நீங்கள் இங்கே தங்கி, என்னோடேகூட விழித்திருங்கள் என்று சொல்லி, சற்று அப்புறம்போய், முகங்குப்புறவிழுந்து: என் பிதாவே, இந்தப் பாத்திரம் என்னைவிட்டு நீங்கக்கூடுமானால் நீங்கும்படி செய்யும்; ஆகிலும் என் சித்தத்தின்படியல்ல, உம்முடையசித்தத்தின்படியே ஆகக்கடவது என்று ஜெபம்பண்ணினார். பின்பு, அவர் சீஷர்களிடத்தில் வந்து, அவர்கள் நித்திரைபண்ணுகிறதைக் கண்டு, பேதுருவை நோக்கி: நீங்கள் ஒரு மணி நேரமாவது என்னோடேகூட விழித்திருக்கக்கூடாதா? நீங்கள் சோதனைக்குட்படாதபடிக்கு விழித்திருந்துஜெபம்பண்ணுங்கள்; ஆவி உற்சாகமுள்ளதுதான், மாம்சமோ பலவீனமுள்ளது என்றார். 'மத்தேயு 26:36-41

இயேசு துக்கமாகவும், கலக்கமாகவும் இருந்ததை வாசிக்கிறோம் “துக்கமடையவும் வியாகுலப்படவும் தொடங்கினார்” இந்த நிலையில் சீடர்கள்ஜெபிக்க வேண்டும் என்று அவர் விரும்பினார். “நீங்கள் இங்கே தங்கி, என்னோடேகூட விழித்திருங்கள் என்று சொல்லி“, விரைவில் அவர்அவர்களைச் சரிபார்க்க வருகிறார். “அவர்கள் நித்திரைபண்ணுகிறதைக் கண்டு, பேதுருவை நோக்கி: நீங்கள் ஒரு மணி நேரமாவதுஎன்னோடேகூட விழித்திருக்கக்கூடாதா?” என்று கேட்கிறார். கெத்செமனே தோட்டத்தில், தூக்கம் சீடர்களை வென்றது. அவர்களுடைய உடல் தேவை அவருக்குக் கீழ்ப்படிய வேண்டும் என்ற அவர்களின் விருப்பத்தை மிஞ்சியது.

தூக்கம் மற்றும் அவர்களின் பலவீனம் பற்றிய இந்த பிரச்சினையை அறிந்த இயேசு சீடர்களுக்கு ஒரு கட்டளை கொடுக்கிறார்,

'நீங்கள் சோதனைக்குட்படாதபடிக்கு விழித்திருந்து ஜெபம்பண்ணுங்கள்; ஆவி உற்சாகமுள்ளதுதான், மாம்சமோ பலவீனமுள்ளது என்றார். ' மத்தேயு 26:41

நமது ஆவிக்குரிய முதிர்ச்சியில் நம் தந்தையிடமிருந்து நேரத்தை எடுத்துக் கொள்ளும் உலகின் கவனச்சிதறல்களுக்கான நமது பலவீனத்தில் அதே கட்டளை இன்று நமக்குப் பொருந்தும்.

நாம் செய்யும்படி இரண்டு காரியங்கள் சொல்கிறார். முதல் காரியம் விழித்திருப்பது, இரண்டாவது காரியம் ஜெபம் செய்வது.

விழித்திருப்பது

• “விழித்திருப்பது” என்ற வார்த்தையின் அர்த்தம் “இரவில் காவலாளியின் விழிப்புணர்வைக் கொண்டிருப்பது” என்பதாகும். ஒரு இரவு காவலாளி பகல் நேர காவலரை விட அதிக விழிப்புடன் இருக்க வேண்டும். பகல் நேரத்தில், ஆபத்தை தொலைவில் இருந்தே கண்டு கொள்ளலாம். ஆனால் இரவில் எல்லாம் மாறுபட்டதாய் இருக்கும். ஒரு இரவுக் காவலாளி ஆபத்தைக் கண்டறிய பார்வையைத் தவிர வேறு புலன்களையும் பயன்படுத்த வேண்டும். பெரும்பாலும் இருளில் தனியாக பாதுகாப்பு இல்லாமல் இருப்பார். எதிரியின் தாக்குதல் நடக்கும் வரை அறிகுறிகள் எதுவும் இருக்காது என்றாலும் எந்த நேரத்திலும் சந்தேகப்படும்படியான எச்சரிக்கையுடன் இருக்க வேண்டும். பேதுரு இந்த விழித்திருத்தலைக் குறித்து நன்றாக விளக்குகிறார், 'தெளிந்த புத்தியுள்ளவர்களாயிருங்கள், விழித்திருங்கள்; ஏனெனில், உங்கள் எதிராளியாகிய பிசாசானவன் கெர்ச்சிக்கிற சிங்கம்போல் எவனை விழுங்கலாமோ என்று வகைதேடிச் சுற்றித்திரிகிறான். ' 1 பேதுரு 5:8

• இந்த உலகில், நமது உடல் தேவைகள் மற்றும் ஆசைகள் மற்றும் எதிரியின் திட்டங்களால் நாம் எளிதில் திசைதிருப்பப்படுகிறோம்'சாத்தானாலே நாம் மோசம்போகாதபடிக்கு அப்படிச் செய்தேன்; அவனுடைய தந்திரங்கள் நமக்குத் தெரியாதவைகள் அல்லவே. '2கொரிந்தியர் 2:11

• நாம் இயேசுவிடமிருந்து நம் கண்களை எடுக்கும்போது, ​​நம் மதிப்புகள் மாறத் தொடங்குகின்றன. நம் கவனம் சிதறத் தொடங்குகிறது. விரைவில் நாம் உலகத்தைப் போல வாழ்ந்து தேவனுடைய ராஜ்யத்திற்காக சிறிய பலனைத் தருகிறோம்.

நீங்கள் எடுக்கக்கூடிய நடவடிக்கைகள்

• உங்கள் கவன திறன் மோசமாக உள்ளது என்பதை நீங்கள் உணர்ந்து ஏற்றுக்கொள்ளாத வரை, நீங்கள் சீடர்களைப் போல திசைதிருப்பப்படுவீர்கள் (இங்கே பிரச்சினை தூக்கம்). அதுபோலவே நம் ஒவ்வொருவருக்கும் தொலைபேசி, வேலை, குடும்பப் பிரச்சனைகள், வேதனைப்படுத்தும் அன்றாடச் சவால்கள் என்று வேறு பல விஷயங்களாக இருக்கலாம். நாம் நமது பலவீனத்தை அறிக்கையிட்டு இயேசுவிடம் ஜெபத்தின் மூலம் உதவி கேட்டால் மட்டுமே இயேசு நமக்கு உதவுவார்.

• நாம் நமது சுய திறனை மதிப்பிட வேண்டும். பலவீனத்தை அடையாளம் கண்டு, அதற்காக ஜெபிக்க வேண்டும். அவ்வாறு நீங்கள் ஜெபித்தால், எதிரிகளின் திட்டங்களை அறிந்துகொள்ளும் சாதுரிய குணங்களை பரிசுத்த ஆவியின் மூலம் இயேசு உங்களுக்குத் தருவார். மத்தேயு 10:16-ல் அவர் கொடுத்த வாக்குறுதியைப் போல - உங்கள் வழியில் என்ன வரப்போகிறது என்பதை அறிய அவர் உங்களை பாம்புகளைப் போல புத்திசாலியாக்குவார். 'ஆடுகளை ஓநாய்களுக்குள்ளேஅனுப்புகிறதுபோல, இதோ, நான் உங்களை அனுப்புகிறேன்; ஆகையால், சர்ப்பங்களைப்போல வினாவுள்ளவர்களும்புறாக்களைப்போலக் கபடமற்றவர்களுமாய் இருங்கள். ' மத்தேயு 10:16

• உங்கள் பலவீனத்தை நீங்கள் அறிந்தவுடன், கிறிஸ்துவின் பெலன் உங்கள் பலவீனத்தில் வெளிப்படும். மேலும் அவர் இந்த கவனச்சிதறல்களை சமாளிக்க உங்களுக்கு உதவுவார். கிறிஸ்து உங்களுக்கு கிருபை அளிப்பார். அதைக் கொண்டு நீங்கள் விழித்திருந்து சாத்தானின் பொய் மற்றும் ஏமாற்றும் தந்திரங்களை சந்திக்க முடியும். பவுல் இதை நன்றாகச் சொல்கிறார்'அதற்கு அவர்: என் கிருபை உனக்குப்போதும்; பலவீனத்திலே என் பலம் பூரணமாய் விளங்கும் என்றார். ஆகையால், கிறிஸ்துவின் வல்லமை என்மேல் தங்கும்படி, என் பலவீனங்களைக்குறித்து நான் மிகவும் சந்தோஷமாய் மேன்மைபாராட்டுவேன். அந்தப்படி நான் பலவீனமாயிருக்கும்போதே பலமுள்ளவனாயிருக்கிறேன்; ஆகையால் கிறிஸ்துவினிமித்தம் எனக்கு வரும்பலவீனங்களிலும், நிந்தைகளிலும், நெருக்கங்களிலும், துன்பங்களிலும், இடுக்கண்களிலும் நான் பிரியப்படுகிறேன். '2கொரிந்தியர் 12:9-10

ஜெபம் செய்வது

• ஜெபிக்க வேண்டும் என்பதே இயேசு சீடர்களுக்குக் கொடுத்த அறிவுரை. நமக்கு எதிராக வரும் சாத்தானின் கவனச்சிதறல்கள் / பொய்கள் மற்றும் வஞ்சகங்களின் சங்கிலியை உடைக்க ஜெபம் மட்டுமே ஒரே வழி.

• ஜெபத்தில் அர்ப்பணிப்புடன் இருந்தால் மட்டுமே நாம் உண்மையாக இருக்க முடியும். தேவனுடைய வாக்கு உண்மையாக இருப்பதால், ஜெபத்தில் தேவன் நம்மை மன்னிக்கவும், நம்மைச் சுத்தப்படுத்தவும், கற்பிக்கவும், அவருக்குக் கீழ்ப்படியும்படி நம்மைப் பலப்படுத்தவும் நாம் தொடர்ந்து அனுமதிக்கிறோம். 'என் நாமத்தினாலே நீங்கள் எதைக்கேட்டாலும் அதை நான் செய்வேன். 'யோவான் 14:14

• கெத்செமனே தோட்டத்தில், இயேசு 3 முறை ஜெபம் செய்தார்.

'அவர் மறுபடியும் இரண்டாந்தரம் போய்: என் பிதாவே, இந்தப் பாத்திரத்தில் நான் பானம்பண்ணினாலொழிய இது என்னைவிட்டுநீங்கக்கூடாதாகில், உம்முடைய சித்தத்தின்படி ஆகக்கடவது என்று ஜெபம்பண்ணினார். அவர் திரும்ப வந்தபோது, அவர்கள் மறுபடியும்நித்திரைபண்ணுகிறதைக் கண்டார்; அவர்களுடைய கண்கள் மிகுந்த நித்திரைமயக்கம் அடைந்திருந்தது. அவர் மறுபடியும் அவர்களைவிட்டுப்போய், மூன்றாந்தரமும் அந்த வார்த்தைகளையே சொல்லி ஜெபம்பண்ணினார். பின்பு அவர் தம்முடைய சீஷர்களிடத்தில் வந்து: இனி நித்திரைபண்ணி இளைப்பாறுங்கள்; இதோ, மனுஷகுமாரன் பாவிகளுடைய கைகளில் ஒப்புக்கொடுக்கப்படுகிற வேளைவந்தது. 'மத்தேயு 26:42-45

• இங்கே இயேசு ஒரே ஜெபத்தை 3 முறை ஜெபித்தார் என்று நாம் கற்றுக்கொள்ளலாம் “அவர் மறுபடியும் அவர்களை விட்டுப்போய், மூன்றாந்தரமும் அந்த வார்த்தைகளையே சொல்லி ஜெபம்பண்ணினார்.” கடவுளிடம் ஒரே கோரிக்கையை பலமுறை செய்வது ஆவிக்குரிய வாழ்வில் மாறானதல்ல என்பதை இது காட்டுகிறது. நாம் ஒன்றுக்கு மேற்பட்ட முறை எதையாவது கேட்டால், அது நமக்கு விசுவாசம் இல்லை என்பதை நிரூபிக்கிறது என்று சிலர் நம்புகிறார்கள். சில சூழ்நிலைகளில் சிலருக்கு இது உண்மையாக இருக்கலாம், நீங்கள் எங்கு விண்ணப்பிக்க வேண்டும், எங்கு திரும்பத் திரும்ப ஜெபிக்க வேண்டும் என்பதை பரிசுத்த ஆவி உங்களுக்கு வெளிப்படுத்துவார். மீண்டும் மீண்டும் ஜெபம் செய்வது உறுதியான விசுவாசத்துடன் முற்றிலும் ஒத்துப்போகும் என்பதை இயேசு இங்கே நமக்குக் காட்டுகிறார்.

நீங்கள் எடுக்கக்கூடிய நடவடிக்கைகள்

• உங்கள் கவனச்சிதறல்களின் பலவீனத்தை நீங்கள் கண்டறிந்ததும், இதைப் பற்றி ஜெபியுங்கள், அதை மேற்கொள்ளதேவனுடைய உதவியை திரும்பத் திரும்பக் கேளுங்கள். பவுல் இவ்வாறு ஜெபிக்கச் சொல்கிறார், 'இடைவிடாமல்ஜெபம்பண்ணுங்கள். 1 தெசலோனிக்கேயர் 5:17

• சாத்தானின் ஏமாற்று உத்திகளுக்கு நாம் இணையாக இல்லை என்பதால், ஜெபத்தின் மூலம் மட்டுமே நம்மால் இதை வெல்ல முடியும். நாம் இயேசுவைக் கொண்டு சாத்தானின் இந்த புத்திசாலித்தனத்தை முறியடிக்க முடியும்.

• பரிசுத்த ஆவியின் மூலம் தேவனுடைய பிள்ளைகள் அனைவருக்கும் அளிக்கப்படும் கிருபை, சாத்தானின் வஞ்சகங்களை / கவனச்சிதறல்களை வெளிப்படுத்த கடவுளுடைய வார்த்தையை ("பைபிள்") பயன்படுத்தி பேசும், இதனால் நாம் அதை எதிர்த்துப் போராட முடியும்.

நான் கவனச்சிதறல் பிரச்சினை மற்றும் ஆவிக்குரிய வாழ்க்கையில் அதன் தாக்கத்துடன் போராடுகிறேன். சமீபத்தில் இந்த விஷயத்தை இயேசு எனக்கு தெரியப்படுத்தினார். தேவனின் உதவியால் நான் அதை முறியடித்தேன். அதற்காக நான் செய்த செயல் இந்த பலவீனத்தைக் குறித்து தொடர்ந்து விழித்திருந்து ஜெபித்ததே ஆகும். அவரது உதவியால் என்னால் மீண்டும் போராட முடியும், இது தினசரி போர்.

இந்த கவனச்சிதறல் என்பது ஒரு முறை நிகழ்வது அல்ல, அது நம் வாழ்வில் இறக்கும் வரை இருக்கும் என்பதை நினைவில் கொள்ளுங்கள். இந்த பூமியில் நாம் வாழும் ஒவ்வொரு நிமிடமும் அது இருக்கிறது. எனவே உங்களை ஆவிக்குரிய ரீதியில் வளரவிடாமல் குறைக்கும் கவனச்சிதறல்களைப் பற்றி உங்களுக்குத் தெரியப்படுத்தவும், அன்றாட வாழ்க்கையில் ஏற்படும் கவனச்சிதறலைச் சந்திக்க தேவனின் உதவியைக் கேட்கவும் தேவனிடமிருந்து பலத்தைப் பெற எப்போதும் விழித்திருந்து ஜெபிக்கவும்.